ትምህርት እሮብ መስከረም 2 ይጀምራል

ውድ የሲያትል የህዝብ ትምህርት ቤቶች ቤተሰቦች እና ሰራተኞች፣

ሲያትል የህዝብ ትምህርት ቤቶች የ2026-27 የትምህርት ዘመን ትምህርት በታቀደው መሰረት እሮብ መስከረም 2 እንደሚጀምር በደስታ ያሳውቃል።የቅድመ መደበኛ ትምህርት እና የኪንደርጋርተን ትምህርት ተማሪዎች የመጀመሪያ የትምህርት ቀን ማክሰኞ፣መስከረም 8 ይሆናል።

ይህ ዜና በነሐሴ 31 ጊዜው ያለፈበትን ውል ለመተካት በሲያትል የህዝብ ትምህርት ቤቶች እና በሲያትል የትምህርት ማህበር (SEA) መካከል የተደረገ ጊዜያዊ ስምምነትን ተከትሎ ነው። SPS እና SEA በበጋው ወቅት ድርድር ሲያደርጉ ቆይተዋል፣እና ተማሪዎችን፣ሰራተኞችን እና የትምህርት ቤት ማህበረሰቦችን የሚደግፍ ስምምነት ላይ ለመድረስ በትጋት ሰርተዋል።

በትምህርት አመቱ መጀመሪያ ላይ የተከሰተው አለመረጋጋት ለተማሪዎቻችን፣ለቤተሰቦቻችን እና ለሰራተኞቻችን አስቸጋሪ እንደነበር እናውቃለን።ሁለቱም ወገኖች ድርድሩን በሚያካሂዱበት ወቅት ላሳዩት ትዕግስት እና ግንዛቤ እናመሰግናለን።

በድርድር ጠረጴዛው ላይ ሁለት ወገኖች ቢኖሩም፣ሁላችንም አንድ የጋራ ግብ አለን፡ እርሱም እያንዳንዱ የሲያትል የህዝብ ትምህርት ቤት ተማሪ ደጋፊ በሆነ የመማሪያ አካባቢ ጥራቱን የጠበቀ ትምህርት እንዲያገኝ ማድረግ ነው።ይህንን ጊዜያዊ ስምምነት ላይ ለመድረስ እና ተማሪዎች በትክክለኛው ሰዓት ትምህርት እንዲጀምሩ ለማድረግ የተሳተፉትን ሁሉ እናመሰግናለን።

ስለ ጊዜያዊ ስምምነት እና የድርድር ሂደት ተጨማሪ መረጃ በዲስትሪክቱ Collective Bargaining Updates webpage ድረ-ገጽ ላይ ይገኛል።

ተማሪዎችን እና ሰራተኞችን ወደ ትምህርት ቤት በደስታ ለመቀበል እና ለተሳካ የ2026-27 የትምህርት ዓመት ጅምር በጉጉት እንጠባበቃለን።

ጥያቄዎች ካሉዎት፣እባክዎን በ Let’s Talk online form የመስመር ላይ ቅጻችን በኩል ያስገቡ።

ከሰላምታ ጋር፣

የሕዝብ ጉዳዮች ቢሮ

ሲያትል የሕዝብ ትምህርት ቤቶች