Seattle Public Schools

Student Family Portal
Resources
Seattle Public Schools/Resources/የኢሚግራንት ተማሪዎች እና ቤተሰቦች የድጋፍ

የኢሚግራንት ተማሪዎች እና ቤተሰቦች የድጋፍ

የሲያትል የሕዝብ ትምህርት ቤቶች (SPS) እሴቶች

በሲያትል የሕዝብ ትምህርት ቤቶች (SPS)፣ለእያንዳንዱ ተማሪ ደህንነቱ የተጠበቀ፣እንግዳ ተቀባይ እና ሁሉንም የሚያካች የትምህርት አካባቢን ለመፍጠር ቁርጠኞች ነን።ኢሚግራንትተማሪዎቻችን እና ቤተሰቦቻቸው የሲያትል የሕዝብ ትምህርት ቤቶች አካል ናቸው።

ሲያትል የሕዝብ ትምህርት ቤቶች በክልላችን ወሰን ውስጥ ለሚኖሩ ተማሪዎች ሁሉ ነፃ እና ከፍተኛ ጥራት ያለው የሕዝብ ትምህርት የመስጠት ሕገ-መንግሥታዊ እና ሞራላዊ ግዴታ አለበት።የክልል እና የፌዴራል ሕጎች የሕዝብ ትምህርት ዲስትሪክቶች በዘር፣በቆዳ ቀለም ወይም በብሔር ምክንያት መድልዎ እንዳያደርጉ ይከለክላሉ።በተጨማሪም የክልል ሕግ በዜግነት ወይም በኢሚግሬሽን ሁኔታ ላይ ተመስርቶ መድልዎ ማድረግን ይከለክላል።

የተማሪዎቻችንን የደህንነት ስሜት እና ፍትሃዊ ትምህርት የማግኘት መብታቸውን ለማስከበር ቁርጠኞች ነን። ተማሪዎቻችንን የሚጠብቁ መመሪያዎች እና ግብዓቶች እንዲኖሩ ለመሟገት ከቤተሰቦች፣ከመምህራን እና ከማኅበረሰብ አጋሮች ጋር በጋራ መሥራታችንን እንቀጥላለን።

ከዚህ በታች ለኢሚግራንት ተማሪዎች፣ለቤተሰቦቻቸው እና እነሱን ለሚያገለግሉ የዲስትሪክቱ ሰራተኞች የሚሆኑ መመሪያዎችን እና መርጃዎችን ያገኛሉ።

ስለ የዋሽንግተን ስቴት የመንግስት ትምህርት ቤቶች ለኢሚግራንት ተማሪዎች ስለሚያደርጉት ጥበቃ ተጨማሪ መረጃ ለማግኘት የ OSPI መርጃዎችን ይመልከቱ።

የዲፖርቴሽን መከላከል የስልክ መስመር፡ የICE/CBP) እንቅስቃሴን ሪፖርት ለማድረግ ወይም የአደጋ ጊዜ ሀብቶችን ለማግኘት በ 1-844-724-3737 ይደውሉ።

የዲስትሪክቱ መመሪያ

የሲያትል የሕዝብ ትምህርት ቤቶች የሕግ አማካሪ የፍርድ ቤት ትዕዛዝን ማረጋገጥ ካልቻለ የኢሚግሬሽን አስፈጻሚ ወኪሎች ወደ ትምህርት ቤት ሕንፃዎች እንዲገቡ አይፈቀድላቸውም።

የሱፐርኢንቴንደንት አሰራር መመሪያ(Superintendent Procedure 4310SP.B) – በትምህርት ቤቶች ውስጥ የኢሚግሬሽን አስፈጻሚዎችን መገደብ (Limiting Immigration Enforcement at Schools)

የሰራተኞች አጠቃላይ መመሪያዎች

የጥያቄው አይነት ወይም የጉብኝቱ ሁኔታ ምንም ይሁን ምን፣የትምህርት ቤት ሰራተኞች በማንኛውም ጊዜ በትምህርት ቤት ቅጥር ግቢ ውስጥ ከፌዴራል የኢሚግሬሽን ባለስልጣናት ጋር በሚገናኙበት ወቅት እነዚህን መመሪያዎች እንዲከተሉ ይጠበቅባቸዋል።

  1. ወደ ህንፃው ወዲያውኑ እንዳይገቡ መከልከል።
    • የፊት ቢሮ (Front office) እና ሌሎች ሰራተኞች ርዕሰ መምህሩን እስኪያነጋግሩ ድረስ ግለሰቡ ከህንጻው ውጭ እንዲቆይ መጠየቅ አለባቸው።
    • የእርስዎ ጥያቄ እየተገመገመ ባለበት ወቅት፣አስተማማኝ እና ረብሻ የሌለበት የትምህርት ቤት አካባቢን ለማረጋገጥ በየሲያትል የሕዝብ ትምህርት ቤቶች የተቀመጡ የአሰራር ሂደቶችን እና የእንግዳ መመሪያዎችን መከተል እንዳለብዎት በድጋሚ እናሳስባለን።
  2. ግለሰቡን ወደ ርዕሰ መምህሩ ወይም ወደ ተወካያቸው መምራት።
    • ወዲያውኑ ርዕሰ መምህሩን ወይም ተወካያቸውን ማነጋገር።
    • እንደ አስፈላጊነቱ የጥበቃ ሰራተኞችን እርዳታ መጠየቅ ።
  3. መረጃን አያካፍሉ።
    • ስለ የአንድ ተማሪ፣ቤተሰብ አባል ወይም የሲያትል የሕዝብ ትምህርት ቤቶች ሠራተኛ ምንም ዓይነት መረጃ አይስጡ።

የዲስትሪክቱ የቤተሰብ ድጋፍ መርጃዎች

  • በትምህርት ቤት የሚገኙ አማካሪዎች፣ማኅበራዊ ሠራተኞች እና ነርሶች
  • የቤተሰብ ድጋፍ ሰጪ ሠራተኞች
  • በማህበረሰብ ላይ ለተመሰረቱ የኢሚግራንት እና የስደተኞች ድርጅቶች ጥቆማዎች (ሪፈራሎች)

ውጫዊ መርጃዎች

የሕግ ድጋፍ

የቤተሰብ ድጋፎች