Maligayang Pagdating mula sa Mga Pampublikong Paaralan ng Seattle

Para maipatala ang inyong anak, kakailanganin ninyo ang mga sumusunod na dokumento:

• Mga Pormularyo/Papel para sa Pagpapatala at Pagpaparehistro - Maaring makuha sa Bilingual Family Center (Sentro ng Bilingguwal na Pamilya) o kunin mula sa aming website na may pamagat na Enrollment.

• Identipikasyon - kinakailangan ang may nakalarawang identipikasyon ng magulang o tagapag-alaga, gaya ng lisensiya sa pagmamaneho, Identipikasyon para sa Estado ng Washington, o pasaporte.

• Katibayan ng tinitirahan - dalawang piraso ng identipikasyon ang kinakailangan para sa pagpapatunay ng tirahan gaya ng may pirma at may petsang resibo ng renta, o kasunduan sa pag-upa, katibayan ng pagbabayad sa buwis, kasalukuyang resibo ng binabayarang utilidad, dokumento ng DSHS, o kasalukuyang stub ng suweldo.

Kung pansamantalang nakikitira, kinakailangan na makumpleto, mapirmahan at ipanotaryo ang Temporary Living with Form (Pansamantalang Nakikitira na Papel). Maari ninyong makuha ang papel na ito mula sa Bilingual Family Center o idownload ito. Form

• Tala ng bakuna ng inyong anak - ang mga ibinigay na petsa ay kinakailangan na alinsunod sa itinakda ng estado para sa kalusugan.

• Katibayan ng kapanganakan ng inyong anak - Sertipiko ng kapanganakan mula sa ospital o sa estado, kasalukuyang kard ng DSHS, I-94 o pasaporte.

Dalhin ang inyong anak para siya masuri ayon sa kahusayan sa wikang Ingles.

Ang batang may edad na limang taon sa o bago mag-Agosto 31 ng taon ng pasukan ay maaring magpatala para sa Kindergarten sa panahon ng pagpapalista sa ika-15 ng Enero hanggang sa ika-28 ng Pebrero.